|
|titolo=El Bartoldo
|autor=Berto Barbarani
|racolta=I sogni
|sudivision=[[I sogni/Libro terzo|Libro terzo: In cità e in campagna]]
|prima=[[Custosa]]
|dopo=[[Congedo - L'ultima leva|Congedo — L'ultima leva]]
|ano=1922
|secolo=XX
}}
<pages index="I sogni.djvu" from=201 to=204/>
<poem>
Al tempo che Alboin re de Verona
tegnea le corte su a Castel S.Piero,
e l’Adese el girava a la carlona,
{{r|4}}strassinando da mato el so poliero,
{{N|a cura de l'autor}}
vol che da i bagni caldi de Caldiero
dopo de aver ben bastonà la dona,
el Bartoldo vilan fasesse viaio
{{r|8}}co un quarel de polenta e del formaio!
Gh’era in aria un cìo cìo de primavera,
che meteva in boresso tuti quanti;
ci vestiva una giaca più ligiera
{{r|12}}e ci andava descalsi e sensa guanti;
i albari mea fiori galanti,
su i castei sventolava la bandiera,
e Bartoldo anca lu come da un vaso,
{{r|16}}butava fora brufoli sul naso….
Par combinar la ghigna de sto omo,
ah! No convien ‘conomisar parole,
che çerti mostri sul portal del Domo,
{{r|20}}j-era in confronto suo gropi de viole;
la so pele parea fata a spongiole
che j-è quei fonghi che vien zò da Como,
e le mane bison che te le cubi
{{r|24}}al bruschineto che se neta i tubi…
La so testa sonèa la piassè grossa
bocia de anguria mal maurada in tera,
che la porta le plache de la lossa.
{{r|28}}Do gran recione a la carabiniera
sora un naso girevole a cerniera
e ‘ na bocassa che faseva angossa:
oci de fogo, segie de pel mato,
{{r|32}}eco Bartoldo e ’l so più bel ritrato!
E pur drento a sta anima vilana
scolpida da un birbante scultor,
gh’era un vagon de inteligensa sana,
{{r|36}}insucarà de spirito inventor
che anca davanti a un re, a un imperator,
ben o mal che sonasse la campana,
el Bartoldo vilan, ma furbo e forte
{{r|40}}l’era bon de zugar galine e corte!
L’era la corte un gran palasso a giorno
sul genere de quei che i fa in confeti:
lose e giardini che girava atorno
{{r|44}}su colonete traforade e archeti,
da dove sventolando i fassoleti
quando qualche guerier sonando el corno,
se lo vedea passar arme e bandiera
{{r|48}}sul marciapiè de la Piera…
</poem>
{{PD-US-1923-abroad/VEC|2016}}
| 