Studiè l'istoria de la vostra zente

by Jacopo Vincenzo Foscarini

3 Studiè l'istoria de la vostra zente Jacopo Vincenzo Foscarini XIX soneti

Indice:Raccolta di poesie in dialetto veneziano 1845.djvu

Jacopo Vincenzo Foscarini

Studiè l'istoria de la vostra zente

XIX secolo

Edission original:	Raccolta di poesie in dialetto veneziano d'ogni secolo nuovamente ordinata ed accresciuta, Volume unico, a cura de Bartolommeo Gamba, Venezia, G. Cecchini, 1845
Fonte:	Indice:Raccolta di poesie in dialetto veneziano 1845.djvu

Edission e fonte ▼

Studiè l'istoria de la vostra zente,
     De quel paese che v'à dà la cuna,
     Che v'à tegnuo arlevà paternamente,
     4Che v'à dà pan, e stabilio in fortuna.

Piutosto che imparar cosse da gnente,
     O assae per no saverghene nissuna,
     Finindola per viver miscredente,
     8O più che Dio per venerar la luna.

Quel citadin, che de la patria tera
     L'istoria no conosce, xe quel fio,
     11Che sconta ga l'origine soa vera;

Che infin xe mulo, e no pol dir xe mio
     Quel nome che i m'à messo, o xe una sfera
     14De un relogio che core, o che stà indrio.