Zà, ch'ancora me trovo san de mente
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo IV, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 4.djvu |
| ← Berti, se la Natura no me ingana | Edission e fonte ▼ | Che vegna pur la morte, co la vuol → |
Zà, ch'ancora me trovo san de mente,
Considerando, che la morte è certa,
E che de questa l'ora è sempre incerta,
4Voi disponer del mio colla presente,
Scritta da man amiga, e confidente,
E sigillada da persona esperta,
Perchè a so tempo, e liogo la sia averta,
8Ed eseguida inviolabilmente.
Rivoco, annullo, e casso ogn'altra mìa,
Disposizion, e intanto ordino, e vogio,
11Che l'ultima de tutte questa sìa;
Ma prima de disponer mi me dogio,
Se avesse fatto mal, che no vorrìa
Sperando 'l Porto urtar in qualche scogio.
15Quando, ch'hò fenìo l'ogio,
Perchè de là no posso portar gnente;
Erede universal lasso la zente,
18Che vive allegramente.
Item le zoggie mie più rare, e bone;
Voggio dir le mie care buzarone,
21Che colle so gran Mone
M'hà dà a sto Mondo tanto gran solazzo,
Le lasso tutte a chi ghe tira 'l Cazzo.
24A qualche bon gramazzo,
Che la vita vuol far dei chiettinoni,
Ghe lasso, che 'l se gratta i so cogioni.
27A certi satraponi,
Che vuol tutte le mode criticar,
El mio Osello ghe lasso de menar.
30Item per no privar
I Frati, acciò de mi no i se scordasse,
Ghe lasso tutte quante le bardasse.
33Le rime mie più grasse
A quelli, che s'hà tiolto più trastulo,
Mi ghe le lasso da forbirse 'l Culo;
36E se mai qualche Mulo,
Perchè mi gò fottù de quà, e de là,
Vegnisse a domandar l'Eredità,
39Lasso per carità,
Che tutti quei, che 'l trova per la strada,
Ghe daga la so bona buzarada.