A Madonna che ammazza il porco

by Maffio Venier

3 A Madonna che ammazza il porco Maffio Venier XVI Soneti Indice:Poeti antichi del dialetto veneziano 2.djvu Altra edizion: Signora mia, vu manizè per tuto (1834)

Altra edizion: Signora mia, vu manizé per tuto (1993)

Maffio Venier

A Madonna che ammazza il porco

XVI secolo

Edission original:	Poeti antichi del dialetto veneziano, Volume II: Poesie di Maffeo Veniero arcivescovo di Corfù e di altri, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Poeti antichi del dialetto veneziano 2.djvu

Edission e fonte ▼

Altra edizion: Signora mia, vu manizè per tuto (1834)
Altra edizion: Signora mia, vu manizé per tuto (1993)

A MADONNA

CHE AMMAZZA IL PORCO

Signora mia, vu manizè per tuto
     Drento a sto Porco infina a le buele;
     Donca per far salsizze e mortaele
     Vu ve degnè d'un animai si bruto?

E a mi che son per vu morto e distruto
     No m'avè mai tocà gnanca la pele?
     Forsi che lu per quele man sì bele
     S'à sentì mai d'amor caldo un persuto?

Orsù, s'amazza el porco; e mi son morto
     Mile volte per vu, ma ingiustamente,
     Che lu muor a rason, mi moro a torto;

Lu tutavìa vel tegnì sempre arente,
     E mi no go mai avù nissun conforto
     De sì longo servir con tante stente!