A Montecatini

by Attilio Turco

3 A Montecatini Sonetti Veronesi Sonetti Veronesi/Parte II - Me morosa Mane sbuse I so penini Attilio Turco 1924 XX Soneti veronese

Indice:Attilio Turco - Sonetti Veronesi.djvu

Attilio Turco ―  Sonetti Veronesi  ― Parte II - Me morosa

A Montecatini

1924

Edission original:	Attilio Turco, Sonetti Veronesi, Verona, Tipografia Operaia, 1924
Fonte:	Indice:Attilio Turco - Sonetti Veronesi.djvu

←  Mane sbuse

Edission e fonte ▼

I so penini  →

A MONTECATINI!

Me morosa l’è sta a Montecatini,
     Parchè la se sentiva el mal de pansa;
     E l’à catà un recioto¹ de quei fini:
     E la ghe n’à ciarido² in abondanza!...

Un giorno, spassesando in te i giardini,
     La s’à incontrà co 'n sior senza creansa,
     Che ’l g’à dito — te dao ’sti du recini³
     Se te me vegni a comodar... la stansa! —

La gh’è saltada su come un galeto
     E la g’à dito: — sior, me maraveio!
     — E'l vaga via de quà par el so meio,

Se no ’l vol che ghe manca de rispeto!...
     Ma m’è vegnù un pensier, sora sto fato:
     Che i du recini i fusse de oro mato!

---

Note

1. recioto - vino squisito;
2. ciarido - bevuto;
3. recini - orecchini.