A l'avocato Lantana

by anonimo

3 VIII. A l'avocato Lantana — Risposta Marco e Tòdaro VII. Per la nomina a cavalier del Prof. Bepo Emo IX. Una visita sospeta anonimo XIX Poesie

Indice:Marco e Tòdaro.djvu

Anonimo ―  Marco e Tòdaro

VIII. A l'avocato Lantana — Risposta

1886

Edission original:	Anonimo, Marco e Tòdaro, versi in vernacolo venezian de un mestro de Canaregio, Venezia, tipografia antica ditta Cordela, 1886
Fonte:	Indice:Marco e Tòdaro.djvu

←  VII. Per la nomina a cavalier del Prof. Bepo Emo

Edission e fonte ▼

IX. Una visita sospeta  →

VIII.

A L'AVV. LANTANA
RISPOSTA

Se mi gavesse la beata vena
Che ga certi avocati da cartelo,
Forse spiegar ghe podaria che pena
4Prova adesso al mio povaro cervelo.
 
Dopo una vita de fastidii piena,
E proprio senza sesto nè modelo,
Ecome qua, tornà da Zero apena,
8Dei morbinosi a esser el zimbelo.

Ma via, vogio provarghe che son bon;
E se l'amor lo fazzo da lontan,
11Ghe digo in do parole la rason.

La sorela, la nezza e po el zerman,
I esami, i scolari e le lezion,
14Che me fa far una vita da can;

                I afari da lontan,
Un fradelo vicin, la stamparìa
17Per certe stampe, i mii paroni via,

                (Una coa ghe saria,
Ma la sparagno) xe le cause vere
20Che me sequestra in tute le maniere.

                Ma vignarà le sere
Che dirme a mi la dovarà con quiete,
Se no la vol, fra el rocolo¹ e el tresete,

                Provar le mie vendette,
Parcossa che sto povero minchion
27La trata da Senocrate e Caton?!!²

---

Note a cura de l'autor

1. rocolo — gioco di carte d'origine spagnuola, noto anche col nome di giuoco de los hombres.
   24
2. Con queste parole appunto, fra il serio e lo scherzevole, terminava il Sonetto di proposta dell'Avvocato.