A quela d'oro vivo vera massa

by Gian Giacomo Mazzolà

3 XXXVI I cavei de Nina XXXV XXXVII Gian Giacomo Mazzolà 1785 XVIII

soneti

Gian Giacomo Mazzolà ―  I cavei de Nina

XXXVI

1785

Edission original:	Collezione delle migliori opere scritte in dialetto veneziano, Volume quarto: Poesie di Gio. Giacomo Mazzolà e di Lodovico Pastò, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Collezione delle migliori opere scritte in dialetto veneziano 4.djvu

←  XXXV

Edission e fonte ▼

XXXVII  →

XXXVI

A quela d'oro vivo vera massa,
     Che parte del bel viso a Nina sconde;
     Che i Zefireti sventola e confonde,
     4Dove drento Amor gongola e se spassa,

E a quele che la Nina andar se lassa
     Zo per le spale, Drezze soe strabionde,
     Ora solae, ora sciolte e vagabonde,
     8Co quel desprezzo che ogni grazia passa,

No son mi solo che se gnente fermi
     I ochi ghe tegna, vaga in bruo de viola,
     11Nè 'l solo son che se ghe mova i vermi;

Che no ghe xe nissun che ghe le veda,
     E che no peca subito de gola,
     14E che 'l so cuor de sbalzo no ghe ceda.