Abasso i fusionisti

EPUB

MOBI

PDF

RTF

TXT

Qualità del testo: sto testo el xe conpleto, ma el gà ancora da vegner rileto.

Anonimo

Abasso i fusionisti

27 zenaro 1849

Edission original:	La gloriosa epopea, MDCCCXLVIII-MDCCCXLIX, nei canti politici dei poeti contemporanei e del popolo d'Italia, a cura de Angelo Lanzerotti, Venezia, C. Ferrari, 1886
Fonte:	Indice:La gloriosa epopea.djvu

Edission e fonte ▼

Canto patriotico scrito durante l'insuression de Venexia contro i Austriaci del 1848-49, firmà senplicemente "Un Manual" (N.d.R.)

[p. 327 modifica]

ABASSO I FUSIONISTI

Xe ormai ridoti al gnente
    I vostri gran progeti,
    Per tuto qua se sente
    4Fin da le afitaleti.

Che ga d'essar la republica,
    Che ga da star sentai
    Sul caregon del popolo
    8I do tanto stimai.

E qua dise benissimo
    Quel povaro fachin,
    Che esalta Cavedalis
    12Insieme al gran Manin.

E che a la signoria
    Ghe dà quel fià de rota,
    Perchè de la republica
    16No i entra ne la nota.

Benchè sia contentissimo
    Trovar sti sentimenti,
    Mi po che so schietissimo
    20Parlo fora dei denti.

E ghe dirò a quel tizio
    Che à scrito la canzon,
    Che un torto el ga grandissimo
    24In tra la so rason.

Perchè i ghe sta su l'anema
    I do ripara mali,
    Che xe al mio intendar debole
    28Manin e Cavedali.

Ma fora, e de che pegola,
    (Che ghe darìa do slepe).
    El lassa quela pirola
    32Ghe xe el general Pepe.

E dopo el se desmentega
    De minsonar Graziani,
    Campion incorutibile
    36Dei gran republicani;

[p. 328 modifica]

A mi me fa fastidio
    Trovar de ste mancanze,
    Mi che za go sul stomego
    40De l'Austria le sunanze;

E che, par incredibile,
    Me par d'aver un osso,
    Bocon indigestibile,
    44Che digerir no posso.

Per tanto mi desidero,
    No scriver tanto suti,
    Ma darghe el suo a chi merita,
    48Farghe giustizia a tuti.

27 Gennaio

Un Manual