Adio ai Romani
|
Edission original: |
La gloriosa epopea, MDCCCXLVIII-MDCCCXLIX, nei canti politici dei poeti contemporanei e del popolo d'Italia, a cura de Angelo Lanzerotti, Venezia, C. Ferrari, 1886 |
|
Fonte: |
| Edission e fonte ▼ |
Fradeli, eco l'adio che el nostro cuor
Ancuo ve lassa fra sta bela union,
Zachè da qua lontan el patrio amor
4A difesa ve vol de la Nazion.
La santa causa, la virtù, el valor
Ve fazza strada a le più bele azion;
Fradeli adio ne separa l'onor,
8Ma ne unisse la fede e l'intenzion.
La gran Mendica intanto se farà
Per nu rica de gloria, e sentirè
11Come amorosa la ve ciamerà.
Romani ricordeve sta Laguna
Dove la dona nel so mar se specia,
E da per tuto indove la fortuna
Gran imprese onorate ve parecia
Viva l'Italia indipendente e Una
E Venezia dixè, zachè la vecia
Storia ve segna che xe i Veneziani
19I veri discendenti da i Romani.
26 Dicembre.
- El Barcariol Venezian.