Ahi, la me gamba
|
Edission original: |
Attilio Turco, Sonetti Veronesi, Verona, Tipografia Operaia, 1924 |
|
Fonte: |
| ← Spiansisi | Edission e fonte ▼ | Parte II - Me morosa → |
AHI! LA ME GAMBA!
Quando de sera vedo su ’na porta,
Distanti dal fanal, du moroseti
Che i se ne dise su ’n saco e ’na sporta
De paroline dolse e discorseti,
E parchè i se vol ben i se conforta
Con dei castei par aria e dei projeti,
Me sento qua ’n te 'l cor ’na roba morta
Che zà da tempo l’à tirà i sgarleti...1
Me sento d’essar vecio e d’aver perso;
Quel lustro-fin che gà la gioventù...
Ahi, la me gamba! Ormai no’ gh’è più verso
De poder verghe quel che se g’avù....
Femoghe su la crosse e requia-scanti
E come che se pol... tiremo avanti!
- Note
- ↑ Sgarleti - le gambe.