Al popolo (Santa xe de Pio Nono la parola)
| Edission e fonte ▼ |
Canto patriotico scrito durante l'insuression de Venexia contro i Austriaci del 1848-49, vegnù fora a firma de "El barcariol", pseudonimo de Jacopo Vincenzo Foscarini (N.d.R.)
AL POPOLO
Santa xe de Pio Nono la parola,
Tegnila, o citadini, a mente ben;
E po tutti imparemo a la so scuola
4Quelo che a far ne giova e ne convien.
De Dio l'onipotenza xe la sola
Che la vitoria in pugno ne mantien;
Dall'alto a nu tuta la forza svola,
8Tuto el valor che adesso ne sostien.
Timor de Dio, bon ordine, umiltà,
Moderazion, costanza nel travagio,
11Sora tuto cristiana carità.
Questi a la Patria portarà vantagio,
Questi conserverà la Libertà,
14Con questi in cuor mantegnirè el coragio.
17 Aprile.
El Barcariol.