Alla Contessa Annina Morosini

by Umberto Foà

4 Alla Contessa Annina Morosini Nuove rime veneziane di guerra e di pace Rime cortesane La dogaressa El guanto Umberto Foà 1917 XX

poesie

Umberto Foà ―  Nuove rime veneziane di guerra e di pace  ―  Rime cortesane

Alla Contessa Annina Morosini

1917

Edission original:	Umberto Foà, Nuove rime veneziane di guerra e di pace, Firenze, Libreria Internazionale, 1917
Fonte:	Indice:Nuove rime veneziane di guerra e di pace.djvu

←  La dogaressa

Edission e fonte ▼

El guanto  →

ALLA CONTESSA ANNINA MOROSINI

Anina, se i ani
che tuto destruse
xe stai cortesani
4coi oci che sluse,

e se tanto bela
al mondo parè,
se come la stela
8più ferma brilè,

se de la Feniçe
sentàda in palchèto
vu sè el più feliçe
12vivente dileto,

xe çerto per l'aria
che avè respirà
in sta straordinaria,
16divina Çità. —

Perchè da le tele,
perchè dai colori
del çiel, per le bele,
20vien fora splendori.

I oci più brila
al nostro bel sol
e ogni pupila
24più trema e più pol.

Più rossi i tramonti
fa i lavri e più bei,
i neri tien pronti
28la note ai cavèi,

el ciaro de luna,
divin cortesan,
la biaca el raùna,
32el sbianca le man!