Amici, la regata xe fenìa

by Giorgio Baffo

3 Amici, la regata xe fenìa Raccolta universale delle opere di Giorgio Baffo Tomo III La Concorrenza, amici, xe fenìa Baffo, savè, che quando se gà mal Giorgio Baffo 1789 XVIII Poesie

Indice:Raccolta universale delle opere di Giorgio Baffo 3.djvu

Giorgio Baffo ―  Raccolta universale delle opere di Giorgio Baffo  ―  Tomo III

Amici, la regata xe fenìa

1789

Edission original:	Giorgio Baffo, Raccolta universale delle opere di Giorgio Baffo veneto, Tomo III, Cosmopoli, 1789
Fonte:	Indice:Raccolta universale delle opere di Giorgio Baffo 3.djvu

←  La Concorrenza, amici, xe fenìa

Edission e fonte ▼

Baffo, savè, che quando se gà mal  →

SIMILE.

SONETTO

Amici, la regata xe fenìa,
    E per aver bandiera v'assicuro,
    Che, per quanto hò podesto, hò tegnù duro,
    4Ne hò tanto sfadigà più in vita mìa.

Coi altri regatanti in compagnìa
    Me son messo a vogar, e a far sussuro,
    E averave la testa dà in t'un muro
    8A veder, che gnessun mai in drìo no scìa.

Hò fatto assae; perchè quella mattina,
    Che me tagiasse l'acqua, e fasse strada,
    11Mi no gò bù gnanca 'na ballottina;

Ma zà no gò pensà 'na buzarada,
    Co hò visto, che la barca ben camina;
    Hò dito frà de mi: ghe l'hò ficcada;
                    15E cussì la xe stada;

Che alla Machina tanto gò tirà,
    Che sù prima dei altri son montà.
                    18Un gran gusto hò prova;

Se 'l sia un gran gusto el diga pur sti Putti
    La Machina montar prima de tutti.