Amigo, ve podè ben figurar

EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
[p. 113 modifica]
RIFFLESSION SORA LA MONA.


SONETTO


Amigo, ve podè ben figurar,
    Che siben me diverto, e me trastulo
    Col lezer, col componer, col cantar,
    4Se a star a casa me son rotto 'l Culo.

Mi gò letto per farmela passar
    Dei versi de Properzio, e de Tibulo,
    E quando quei m'hà scomenzà a seccar,
    8Ho tiolto suso un poco anca Catulo,

Gò pò filosofà anca mi, gramazzo,
    E gò considerà, che della Dona,
    11Co se gà mal, no se ghe pensa un Cazzo;

Donca, hò dito, in se stessa no l'è bona,
    E son vegnù a capir, che quel solazzo
    14Ne lo dà la salute, e nò la Mona.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Amigo,_ve_podè_ben_figurar&oldid=43759"