Amigo caro, no ve desperè

by Giorgio Baffo

3 Amigo caro, no ve desperè Raccolta universale delle opere di Giorgio Baffo Tomo IV Un certo Ipocondrìaco innamorà Pianta un Dilemma, che hà le so eccezion Giorgio Baffo 1789 XVIII Poesie

Indice:Raccolta universale delle opere di Giorgio Baffo 4.djvu

Giorgio Baffo ―  Raccolta universale delle opere di Giorgio Baffo  ―  Tomo IV

Amigo caro, no ve desperè

1789

Edission original:	Giorgio Baffo, Raccolta universale delle opere di Giorgio Baffo veneto, Tomo IV, Cosmopoli, 1789
Fonte:	Indice:Raccolta universale delle opere di Giorgio Baffo 4.djvu

←  Un certo Ipocondrìaco innamorà

Edission e fonte ▼

Pianta un Dilemma, che hà le so eccezion  →

CONFORTA UN BECCO.

SONETTO

Amigo caro, no ve desperè,
    Che no sè solo, che spassizza in piazza
    Coi corni in testa, vecchia xe la razza,
    4E per el Mondo a miera ghe ne xè.

Se, come che fà tanti, vù tasè,
    O se vostra muggier, che 'na ragazza
    No xe alfin, co un frascon no la s'impazza,
    8Publicà no saressi, come sè.

Vel torno a dir; no dè in desperazion,
    Che, se d'esser Becco, alcun è stà esente,
    11Adamo solo hà buo stà distinzion;

Eppur anca de lù ghe xe question,
    Per esser stada sola col Serpente
    14Da solo a sola in conversazion.