Amor, va' drio cusì, nàvega e tien

by Maffio Venier

3 Amor, va' drio cusì, nàvega e tien (Sonetto XXVIII) Canzoni e sonetti Sonetto XXVII. La beltà, la virtù, la cortesia Sonetto XXIX. Se da rabbia, cuor mio, e da martello Maffio Venier XVI

soneti

Maffio Venier ―  Canzoni e sonetti

Amor, va' drio cusì, nàvega e tien (Sonetto XXVIII)

XVI secolo

Edission original:	Maffio Venier. Canzoni e sonetti. A cura di Attilio Carminati, Manlio Cortelazzo, Tiziana Agostini Nordio Venezia, Corbo e Fiore, 1993
Fonte:	http://www.bibliotecaitaliana.it/testo/bibit001236

←  Sonetto XXVII. La beltà, la virtù, la cortesia

Edission e fonte ▼

Sonetto XXIX. Se da rabbia, cuor mio, e da martello  →

Amor, va' drio cusì, nàvega e tien
Dretto un pezzo el timon verso el piaser,
E s'ti me senti un dì solo a doler,
Svòdame all'hora ogni desgratia in sen.

Stato beato, fin ch'el se mantien,
Tògia la dignità, tògia el poder,
Se havesse un regno, nol vorave haver,
Se no havesse con lu st'istesso ben.

O dolcezza d'Amor, chi è colù
Che una volta e no pi n'abbia provà
Che no sia tutto Amor zo che l'ha in lu?

Mondo ignorante, mo chi t'ha vastà,
Chi ha incalmà sto pensier d'honor co nu
Perché el miel dell'Amor sia velenà?