Anca mi fussi morto in quel momento
Anca mi fussi morto in quel momento
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo IV, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 4.djvu |
| ← M'arrecordo 'l mio Cazzo poveretto | Edission e fonte ▼ | Dei stupendi miracoli se sente → |
SULLO STESSO ARGOMENTO.
SONETTO
Anca mi fussi morto in quel momento;
Che xe morto'l mio Cazzo, ch'al mio cuor
No sentirave ancuò tanto dolor,
4Nè provarìa de Tantalo el tormento.
In sto stato no provo altro contento,
Che, come no me sento più calor,
Spero presto d'andar al Creator
8E che lù me rinova 'l mio strumento.
Desidero morir sera, e mattina,
Per andar in ti Elisj, e aver la sorte
11De tornar a chiavar qualche Monina.
De vita me torrìa, ma l'Omo forte,
E questa de Platon xe la Dottrina,
14Hà da bramar, no s'hà da dar la morte.