Andava 'l Papa al so Taulin studiando
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo II, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 2.djvu |
| ← Vostro fradello ancuò Procurator | Edission e fonte ▼ | Che ordeni mai deu Papa Clemente → |
Andava 'l Papa al so Taulin studiando
Per dar vìa quei capelli, che 'l gaveva,
Ma per quanto 'l studiasse nol saveva
4Sora, che teste andarli vìa puzando;
Quando, ch'all'improviso un so comando
S'hà sentìo a vegnir fuora, che diseva,
Ch'alle Statue, che 'l Cazzo se vedeva,
8Se vaga anca i cogioni vìa tagiando.
Mi hò credesto, che fusse devozion,
El far tagiar quei membri, e quei borsoni,
11Ma l'ha fatto per far la promozion;
Perchè l'hà tiolto in man quei Capelloni,
E con tutta la so Consolazion
14Sù quei Cazzi 'l li hà messi, e quei cogioni.