Ariana

EPUB

MOBI

PDF

RTF

TXT

Qualità del testo: sto testo el xe conpleto, ma el gà ancora da vegner rileto.

Lodovico Pastò

Ariana

1822

Edission original:	Lodovico Pastò, Poesie edite ed inedite de Lodovico Pastò venezian, scritte nel so natural dialetto, Venezia, Giuseppe Molinari, 1822
Fonte:	Indice:Poesie edite ed inedite de Lodovico Pastò venezian.djvu

Edission e fonte ▼

[p. 104 modifica]

L'ARIANA. ¹

CANZON

Ariana, Ariana, co te vedo, odio!
Me crepa el cuor in sen,
Resto da compassion quasi sbasìo!
Dove xe andà quel ben,
5Che ti godevi un dì? povera grama?
Ridota s'una strada
De tuti abbandonata,
No ghè più chi te varda, chi te brama
Arlevada da Dama,
10Ti ghe supiavi suso ai pastizzeti,
E ancuo ti fa le bave sui zaleti.
Avezzada a dormir s'un canapè
Coverto de persiana,
Dove se poderia sentar un re
15Ancuo ti fa la nana
O sula pagia, o s'un bocon de stiora,
In scuderia, in rimessa
O soto la barchessa,
E tante, tante te gran note ancora
20Te toca star defora
Sul nuo teren coverto de fredura,
Perchè no ghè nissun, che te rancura.

[p. 105 modifica]

     Ah! dove è mai quel Bravo servitor?
Vicenzo dove xelo,
25Che te tegniva bela quanto un fior?
Ti perdi tuto el pelo,
Petene no ghè più, no ghè bruschin,
No ghè più servitori,
Ti sa da mile odori,
30T'incensi tuto el mondo da freschin...
Malegnazzo el destin,
Che t'à ridoto d'una bela puta,
In t'una carogneta, che rebuta!
     Se ti geri un tantin de mal umor:
35Se un'ongia te doleva;
Se impeniva el palazzo de rumor;
Subito se coreva
A cercar del to mal la medicina:
E ancuo, che no ghe cani,
40Che gabia i to malani,
No ghè più chi te daga un'ochiadina...
Povera bestiolina,
Te sarave passà mai per la testa
De perder tanto ben cussì ala presta?
     45Ti geri la delizia del Paron,
La Dama te adorava,
E guai a chi t'avesse dà un urton!
Tuti te carezzava,
Ti geri più stimada d'una zogia,
50Tuti te gera drio
Come la mare al fio,

[p. 106 modifica]

E ancuo no ghe xe un can, che più te vogia,
Tuti te manda al bogia
In compagnia de tuta la to razza,
55Nè ghè chi no te oltragia, e te strapazza.
Che colpa xe la toa? coss'astu fato,
Povera desgraziada?
Gnente, se dise, Sior; ma gnente afato;
Vechia son deventada,
60Piena de dogie, e piena de schinele;
Questi xe i mj pecai...
Co se xe vechie, guai!
Parlo con vualtre done fresche, e bele;
Godeve pur, sorele,
65Tegnive in bon; ma vegnirà quel dì,
Che incontrarè la sorte, che go mi.

Note

↑ Una belisima barbina ridota vechia, e con tuti i mali cagnini adosso.

[1] Una belisima barbina ridota vechia, e con tuti i mali cagnini adosso.

1