Bàsame, cara mare, e fa che muora

by Maffio Venier

3 Bàsame, cara mare, e fa che muora (Venieresca XXI) Canzoni e sonetti Venieresca XX. Sta notte me pareva haverve in brazzo Venieresca XXII. Se me havé donà el cuor, come disé Maffio Venier XVI

soneti

Maffio Venier ―  Canzoni e sonetti

Bàsame, cara mare, e fa che muora (Venieresca XXI)

XVI secolo

Edission original:	Maffio Venier. Canzoni e sonetti. A cura di Attilio Carminati, Manlio Cortelazzo, Tiziana Agostini Nordio Venezia, Corbo e Fiore, 1993
Fonte:	http://www.bibliotecaitaliana.it/testo/bibit001236

←  Venieresca XX. Sta notte me pareva haverve in brazzo

Edission e fonte ▼

Venieresca XXII. Se me havé donà el cuor, come disé  →

Bàsame, cara mare, e fa che muora
Da una stoccà de quella to lenguina,
Bàssame cara, bàssame sassina,
Caro sia sto bassar, bàssame ancora.

Tòrname anca a bassar, bassa d'ogni hora,
Tienme sempre basao, bàssame infina
Che sto caro bassar mai no raffina,
Bàssame, cagna, mille volte l'hora.

Bàssame, anima mia, bàssame tanto
Che da tanto bassar vaga in angossa,
Basa, e pò ben basao, basa oltratanto.

Bàssame quanto mai bassar se possa,
Basa, bàssame, fia, per fina quanto
Che mi diga no pi, fin alla fossa.