Barca, che no hà timon, no è in Mar sicura

EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
[p. 84 modifica]
AVVERTIMENTO ALLE FIGLIE SULLO STATO CLAUSTRALE.


SONETTO


Barca, che no hà timon, no è in Mar sicura,
    La Vida, che no gà sostentamento,
    La Porta, che co un pìe se buta drento,
    4Co no la gà caenazzo, o serraura.

L'istesso a quelle, che per so sventura
    Xe destinae da viver in Convento,
    Se puol appropriar con fondamento,
    8Perchè le xe in la stessa positura.

Senza esperienza, senza cognizion,
    Senza pensarghe sù, de castità
    11Elle fà voto, elle fà profession;

Povere Putte! le fà compassion;
    Perchè un dì, o l'altro le s'accorzerà,
    14Che le xe Barche, che no gà timon,
                        Vide, che no hà scalon,
Porte, che co un pìe se buta in terra,
    17Se co un deo le se averze, e le se serra.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Barca,_che_no_hà_timon,_no_è_in_Mar_sicura&oldid=46492"