Brindisi (Umberto Foà)

by Umberto Foà

4 Brindisi Nuove rime veneziane di guerra e di pace Da l'Adriatico a l'Ionio Da la tera de Puglia Taranto Umberto Foà 1917 XX

poesie

Umberto Foà ―  Nuove rime veneziane di guerra e di pace  ―  Da l'Adriatico a l'Ionio

Brindisi

1917

Edission original:	Umberto Foà, Nuove rime veneziane di guerra e di pace, Firenze, Libreria Internazionale, 1917
Fonte:	Indice:Nuove rime veneziane di guerra e di pace.djvu

←  Da la tera de Puglia

Edission e fonte ▼

Taranto  →

BRINDISI

Brindisi, quando Orazio
vegnìa per l'Apia via,
ormài de basi sazio,
4in gran malinconìa,

e la metà del cuor,
Vergilio, quà el lassava,
ti geri in gran splendor,
8Roma assàe te stimava.

Dopo atraverso a secoli
de morte e decadenza
in molte imprese çelebri
12ti ga avùo preminenza.

De quà per le vie Crociate
da tuto l'Oçidente,
galere e zenti armate
16partiva per l'Oriente.

Solo gera restà
el nome tuo nel vin
che tanti ga imbriagà,
20Brindisi, de morbin.

Brindisi, nei bancheti
de gala e ne le çene,
a propiziàr progeti,
24desmentegàr le pene.

Ancùo per nostra grazia
se svegia el vecio cuor...
Nel porto che no sazia
28la luse in gran splendor,

nere le çiminiere,
se ferma a le calate
gran navi e corazzate,
32svelte torpediniere...

Poco le resta e bona
guardia sul Nostro Mar
le fa, ride Valona
36nostra e la sta a vardàr!