Verxi el menu prinsipałe

Canson de montanina

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
Canson de montanina
1911
←  Cor de putela Edission e fonte ▼ Fiori d'inverno  →
[p. 33 modifica]
Canson de montanina


     Da 'na casa che se sconde,
che ogni tanto fa baeto,
fuma a pian un camineto
4par paura de strussiar.1

               e 'na cesa2 mal vestida
          co 'na croce su la testa,
          co i pensieri che ghe resta
          8la se seita rosegar.

[p. 34 modifica]


     L'è matina e su sto monte
sento in giro un'aria sana,
con de i boti3 de campana
12che me manda un campanil.

               Sul sentier gh'è 'na madona,
          dove brusa intabarada
          'na lanterna infrusinada
          16che no va par el sutil.

     Drio do mi tra qualche foia
gh'è 'na passara che canta,
che s'a messo su 'na pianta
20par contarme el so parer;

               e sul monte come un sogno,
          drio le rane che se nina,
          'na canson de montanina
          24se destaca da un sentier.

[p. 35 modifica]


     O canson de montanina,
o canson sensa fastidi,
che de i campi te te fidi,
28che nissun te vien fermar;

               o canson che sgola al vento,
          fin che 'l sol te da la rima,
          i pensieri che me lima
          32te mi fe desmentegar!

     Mi te scolto soto a l'ombra
de un morar4 tuto vestido,
dove forsi in qualche nido
36'na fameia se vol ben.

               Ma un pensier che no me lassa
          el me porta fra 'na stela,
          fra i cavei de 'na putela
          40che i ghe casca sora al sen!

[p. 36 modifica]


     La canson la se indormensa
pian a pian e sensa nana;
se indormensa la campana
44parchè sponsa el batucel.

               La canson de montanina
          la se perde fra i sentieri,
          se desmissia5 i me pensieri
          48che me rosega el sarvel.6



Note
  1. strussiar: affaticarsi
  2. cesa: chiesa
  3. boti: rintocchi
  4. morar: gelso
  5. desmissia: svegliano
  6. sarvel: cervello