Cara Siora novizza, mi ve auguro
Cara Siora novizza, mi ve auguro
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo II, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 2.djvu |
| ← Se fa novizzo un certo zentilomo | Edission e fonte ▼ | Col rito della Santa Madre Chiesa → |
ALLA NOVIZZA DEL MEDESIMO.
SONETTO
Cara Siora novizza, mi ve auguro
Tutto dal Ciel quel, che desiderè,
Principalmente in letto, che trovè
4El Sposo de bon polso, e Cazzo duro.
Nell'atto, che 'l ve sbusa, me figuro,
Che brusor in la Mona sentirè,
Ma da là a un poco, oh che gran gusto 'l xè!
8Me par sentirve a dir, ve lo seguro.
Sentì però no ve ne stè abusar
Del piaser, che 'l Marìo ve dà, che quelo
11Troppo in opera messo 'l puol mancar.
Con dolce quiete, e carità godelo,
Perchè, se 'l farè troppo sfadigar,
14El poveromo strupierà l'Oselo.