Che buzara xe questa, o San Francesco

by Giorgio Baffo

3 Che buzara xe questa, o San Francesco Raccolta universale delle opere di Giorgio Baffo Tomo IV Vardè, ch'un Frate d'una compagnìa Dicearco, Asclepiade, Epicuro Giorgio Baffo 1789 XVIII Poesie

Indice:Raccolta universale delle opere di Giorgio Baffo 4.djvu

Giorgio Baffo ―  Raccolta universale delle opere di Giorgio Baffo  ―  Tomo IV

Che buzara xe questa, o San Francesco

1789

Edission original:	Giorgio Baffo, Raccolta universale delle opere di Giorgio Baffo veneto, Tomo IV, Cosmopoli, 1789
Fonte:	Indice:Raccolta universale delle opere di Giorgio Baffo 4.djvu

←  Vardè, ch'un Frate d'una compagnìa

Edission e fonte ▼

Dicearco, Asclepiade, Epicuro  →

ISTANZA A SAN FRANCESCO.

SONETTO

Che buzara xe questa, o San Francesco,
    Ch'i vostri Frati vaga sempre in Mona,
    E nù abbiemo la sorte buzarona
    4De star col Cazzo sempre sutto, e fresco?

Perdoneme, se troppo con vù tresco,
    Ma sappiè, che cussì no se cogiona,
    Lassè, ch'i vaga pur, ch'i vaga in Mona,
    8Ma fè anca a nù lassar qualche rinfresco.

Vardè, se son discreto, me contento
    De tante Donne, che ghe xe nel Mondo,
    11Ch'una me ne lassè per ogni cento;

Che se pò ve par troppo, ve rispondo,
    Che me farò giustizia, nè me pento
    Dirve fuora dei denti tondo, tondo,
                        15Che l'onor vostro a fondo

Anderà presto, e mancherà pò allora
    Chi ve sporza preghiere, e chi v'adora,
                        18E forse pezo ancora;

Onde per evitar tanti malani
    Feghe tagiar l'Osello ai Francescani.