Che i Atomi abbia fatto el Mondo a caso
Che i Atomi abbia fatto el Mondo a caso
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo III, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 3.djvu |
| ← Socrate in tempo, ch'i ghe desligava | Edission e fonte ▼ | D'opinion mi sarave francamente → |
NO È PERSUASO, CHE I ATOMI ABBIA FATTO 'L MONDO.
SONETTO
Che i Atomi abbia fatto el Mondo a caso,
Come hà scritto el filosofo Epicuro,
La xe una cosa falsa de seguro,
4Nè son del so sistema persuaso.
No digo, che no possa far el caso
Una pianta, un diamante, un sasso duro;
Che in un tempo infinito son seguro
8L'abbia fatto qualcosa in sto gran vaso.
Ma far tante gran sorte d'Anemali,
E, perchè dura la propagazion,
11Far tante Mone, e tanti gran Cotali,
E darghe per unirse inclinazion!
Ch'i diga pur ste teste materiali,
14Ghe voleva un, ch'avesse un gran teston.