Che moda buzarada, che xe quella

EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
[p. 208 modifica]
AD UNA, CHE TEGNIVA EL PETTO COVERTO.


SONETTO


Che moda buzarada, che xe quella,
    Ch'hà introdotto ste Donne al dì d'ancuo
    De no voler andar col petto nuo,
    4E sì la xe 'na parte cussì bella!errata corrige originale

Quella, che no ghe n'hà, gà rason ella,
    Come quella, ch'un zorno ghe n'hà buo,
    E ch'andà le ghe xe zò tutt'in bruo,
    8Questa fà ben metterghe sù la tella.

Ma vù, cara parona, che gavè
    Do tette belle, e fresche, come riose,
    11Che fà cascar el cuor, co le mostrè,

Perchè voleu portarle respettose?
    Anemo, quelle pezze via buttè,
    14Salvele per le parti vergognose.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Che_moda_buzarada,_che_xe_quella&oldid=45626"