Chi è stà colù, che hà strapazzà quel letto?
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo III, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 3.djvu |
| ← Chi hà strapazzà sto letto, e chi la testa | Edission e fonte ▼ | Far della bocca un sacco → |
Chi è stà colù, che hà strapazzà quel letto?
Buzarona! e chi i cavei t'hà spertucchià?
Chi è stà colù, ch'hà quel caviel suzzà,
4E hà morsegà quel lavro maledetto?
Amor, che tutto 'l fatto, netto, e schietto,
Sibben, che ti xe orbo, ti hà lamà,
Osserva con che fronte sputtanà
8La nega d'aver fatto sto bruetto!
Senti con che franchezza la se scusa;
Eppur sotto quei occhj quelle tacche
11Mostra ben quel, ch'hà fatto sta barona.
Scoverzi 'l letto, varda là la busa,
Varda i ninzioi co pieni de pattacche;
14E no hò da dir, che ti l'hà tiolto in Mona?