Co destende el so vel la negra note

EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
[p. 42 modifica]
XXVIII


Co destende el so vel la negra note
     Dorme fra le caene el presonier,
     Dorme soto una pianta el pegorer,
     4E 'l pelegrin sui sassi o su le mote;

Repossa i condanai ne le galiote,
     Repossa in alto mar el mariner,
     Repossa in mezo a l'arme anca el guerier,
     8E fin le bestie e i osei per ciese e grote.

Tuti la note dorme e se repossa,
     Tuti la brama, e mi anzi co la vien,
     11Causa vu Drezze e Amor, me vien l'angossa

Che invece de dormir e repossarme,
     Le intierissime note me convien
     14Vegiar, sbasir, smaniar, zemer, smissiarme.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Co_destende_el_so_vel_la_negra_note&oldid=41456"