Co i me l'à dita m'ò sentìo giassar
|
Edission original: |
Giulio Gottardi, "El Campanil de San Marco", Badia Polesine, 1904 |
|
Fonte: |
http://invenessian.blogspot.com/2010/07/giulio-gottardi.html |
| Edission e fonte ▼ |
Co i me l’à dita m’ò sentìo giassar.
Cascà zo el campanil? L’anzolo in tera?
La lozeta in frantumi? E za più star
4no go podesto in casa. No l’è vera,
go dito, vogio andarme a sinçierar
co i me oci de mi; Zanze è busiera.
Ma quando son sta in piazza… o Dio, che afar!
8Colegà, sfregolà, piera su piera
un monumento de rovine el xe!
E l’anzolo? Quel’anzolo, vardèlo,
11l’anzolo d’oro! De S. Marco ai piè.
Scavezzo l’ala, in tera el sconde el viso
e par che ‘l diga: morto lu, credelo,
14più mostrarve no posso el me soriso.