Colonna mia, per do o tre volte sole

by Maffio Venier

3 Colonna mia, per do o tre volte sole (Sonetto XXXIV) Canzoni e sonetti Sonetto XXXIII. Come de una cigala e una gazzuola Sonetto XXXV. Questa è la mior casa de sta tera Maffio Venier XVI Soneti Altra edizion: La Dichiarazione (1817)

Maffio Venier ―  Canzoni e sonetti

Colonna mia, per do o tre volte sole (Sonetto XXXIV)

XVI secolo

Edission original:	Maffio Venier. Canzoni e sonetti. A cura di Attilio Carminati, Manlio Cortelazzo, Tiziana Agostini Nordio Venezia, Corbo e Fiore, 1993
Fonte:	http://www.bibliotecaitaliana.it/testo/bibit001236

←  Sonetto XXXIII. Come de una cigala e una gazzuola

Edission e fonte ▼

Sonetto XXXV. Questa è la mior casa de sta tera  →

Altra edizion: La Dichiarazione (1817)

Colonna mia, per do o tre volte sole
Che l'altra sera me tolessi su,
E me son tanto innamorà de vu
Che vago tutto in acqua de viole.

E per no starve a far tante parole,
Per no starve mo a dir che un poco più
Son quasi morto al gran martel c'ho habbù,
Co fa sti innamorai che è da do siole,

Se me volé che sia vostro moroso,
Son aponto per vu, son tanto gàgio
Cha havaré certo un zovane vistoso.

Son homo po, che quando vògio, vàgio,
Son un zovane alfin virtudioso,
E se no me credé toléme a tàgio.