Come che fa la sempia pavegiola
|
Edission original: |
Collezione delle migliori opere scritte in dialetto veneziano, Volume quarto: Poesie di Gio. Giacomo Mazzolà e di Lodovico Pastò, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817 |
|
Fonte: |
Indice:Collezione delle migliori opere scritte in dialetto veneziano 4.djvu |
| ← LXXIV | Edission e fonte ▼ | LXXVI → |
Come che fa la sempia pavegiola
In quele gran caldane de l'istà,
Che se la vede mai lume impizzà
4Atorno in bota la ghe core e svola,
E ghe fa quela bampa tanto gola,
E tanto mai darente la ghe va,
Che un'aleta, o un penin restà scotà,
8E ne gnanca per questo la ghe mola;
La va, la vien, la zoga atorno via,
E zira, e dai, la torna a darghe drento,
11E infin po la ghe resta incenerìa;
L'istesso fazzo mi, te lo confesso,
Atorno a la to Drezza, onde argomento
14Che anca el me fin un dì sarà l'istesso.