Come in vertù dei soli so Cavei

by Gian Giacomo Mazzolà

3 LXIV I cavei de Nina LXIII LXV Gian Giacomo Mazzolà 1785 XVIII

soneti

Gian Giacomo Mazzolà ―  I cavei de Nina

LXIV

1785

Edission original:	Collezione delle migliori opere scritte in dialetto veneziano, Volume quarto: Poesie di Gio. Giacomo Mazzolà e di Lodovico Pastò, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Collezione delle migliori opere scritte in dialetto veneziano 4.djvu

←  LXIII

Edission e fonte ▼

LXV  →

LXIV

Come in vertù dei soli so Cavei,
     Che le forze ghe dava e le fierezze,
     Sanson ga fato quele gran prodezze
     4Del Tempio, del Porton, dei Filistei;

Cussì in vertù de le so sole Drezze,
     No del so viso, o dei so ochieti bei,
     M'à venzo Nina, e adesso in pianti e oimei
     8Me tien sepolto vivo, e in amarezze.

Ma po tosar co' s'à lassà el minchion,
     De forze e fià no gh'è restà bavèta,
     11Da gnente in soma no 'l xe stà più bon.

Squasi voràve farghe anche a Nineta
     Quel che ga fato Dalila a Sanson;
     14Ma oh! quanto pianzerìa po sta vendeta!