Come succede nell'istà sull'ora

EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
Come succede nell'istà sull'ora
XVIII secolo

 Edission original:   

Giorgio Baffo, Poesie. A cura di Piero Del Negro. Mondadori, 1991

 Fonte:

Testo cartaceo

Edission e fonte ▼

Come succede nell'istà sull'ora
che se suscita in ciel qualche tempesta,
che vien impetuosa, e po s'arresta,
4che se ferma un momento, e torna ancora,

Cecilia de veder fè conto allora,
perché ve l'assicuro xe anca questa
impetuosa tanto, e tanto presta,
8tanto piena d'umor, quando la sbora.

Infiammada nel viso, e tutta ardente,
come fa i cani colla lengua fora
11l'ansia, la smania, la ve par languente.

A zemer la sentì, par che la mora,
ma no ve sbigottì, che no xe gnente,
14perché la fa cussì, quando la sbora.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Come_succede_nell%27istà_sull%27ora&oldid=39830"