Compare, vù sè drento, e mi son drento
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo II, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 2.djvu |
| ← Monazze buzarone, avè fenìo | Edission e fonte ▼ | Compare, l'è fenìa per nù, che semo → |
Compare, vù sè drento, e mi son drento,
Vù drento a 'na preson, mi all'Ospedal,
Vù per el ziogo, e mi per el Cotal,
4Se 'l vostro xe dolor, el mio è tormento.
I nostri xe stai gusti d'un momento,
Xe causa i tagi de sto nostro mal,
Vù avè perso l'Entrae, mi el Capital,
8E se vù ve dolè, mi me lamento.
Un sol svario ghe xe nel nostro torto,
Per el troppo tirar mi son fenìo,
11E vù per no tirar no avè conforto.
Ma qual danno è pezor tra 'l vostro, e 'l mio;
Mi cadavero son prima, che morto,
14Vù prima de morir sè seppellìo.