Cos'è sto amor? Più, che ghe penso suso

by Giorgio Baffo

3 Cos'è sto amor? Più, che ghe penso suso Raccolta universale delle opere di Giorgio Baffo Tomo I Che rabbia, che me fà ste sfondradone Hò visto in sogno Amor, che se lagnava Giorgio Baffo 1789 XVIII

soneti

Giorgio Baffo ―  Raccolta universale delle opere di Giorgio Baffo  ―  Tomo I

Cos'è sto amor? Più, che ghe penso suso

1789

Edission original:	Giorgio Baffo, Raccolta universale delle opere di Giorgio Baffo veneto, Tomo I, Cosmopoli, 1789
Fonte:	Indice:Raccolta universale delle opere di Giorgio Baffo 1.djvu

←  Che rabbia, che me fà ste sfondradone

Edission e fonte ▼

Hò visto in sogno Amor, che se lagnava  →

L'AMOR XE 'NA SEMPLICE LUSSURIA

SONETTO

Cos'è sto amor? Più, che ghe penso suso
    Mi no posso capir da che 'l sia fato,
    Dalla bellezza no l'è certo nato,
    4Se vedo, che innamora un brutto muso;

Nò dall'era, che vedo, che 'l vien suso
    Tanto a un ragazzo, quanto a un vecchio mato
    No se puol dir da un spirito ben fato,
    8Se anca un'alocca ve fà tior sù 'l fuso.

Chi 'l chiama inclinazion, chi simpatìa,
    Per mi digo, e no credo de fallar,
    11Ch'una lussuria bona, e bella el sìa,

Perchè osservo, che quando che chiavar
    Quella Donna se puol, che se vorrìa,
    14L'amor và presto a farse buzarar.