Cossa me val lontan star anca un mio

by Gian Giacomo Mazzolà

3 XXXIV I cavei de Nina XXXIII XXXV Gian Giacomo Mazzolà 1785 XVIII

soneti

Gian Giacomo Mazzolà ―  I cavei de Nina

XXXIV

1785

Edission original:	Collezione delle migliori opere scritte in dialetto veneziano, Volume quarto: Poesie di Gio. Giacomo Mazzolà e di Lodovico Pastò, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Collezione delle migliori opere scritte in dialetto veneziano 4.djvu

←  XXXIII

Edission e fonte ▼

XXXV  →

XXXIV

Cossa me val lontan star anca un mio
     Dai to Cavei che 'l cuor me liga e strenze,
     Se da so posta el cuor inlescà spenze
     4I pensieri a tegnerghe sempre drio?

Se ogni ogeto che vardo, Amor, oh Dio!
     Subito del color soo me lo intenze?
     Se da per tuto el can me li depenze,
     8E al vivo lì fegura a l'ochio mio?

Tuto tuto me par quei to Cavei,
     A quei tuto me tira e me strassina,
     11QUei vedo, e cato in tuto, e tuto in quei;

E cussì tuto per mazor me pena
     O darente, o lontan che te sia, Nina,
     14A bacilar e a sospirar me mena.