Cossa val...
|
Edission original: |
Giuseppe D'Alpaos, Svoladine e refoli, Venezia, Fratelli Visentini, 1897 |
|
Fonte: |
Indice:D'Alpaos - Svoladine e refoli, Venezia, Visentini, 1897.pdf |
| ← Cossa m'importa a mi?... | Edission e fonte ▼ | Se fusse... → |
COSSA VAL...
Go tanta volontà de lavorar,
De guadagnarme el pan col mio sùor;
Go tanta volontà de farme amar
Da chi no sa capir el mio dolor!
Ma, per disgrazia, un can no so trovar
Che sia bon de cavarme el malumor
De vèderme cussì... senza da far
E senza aver un'ànema del cuor!
Cossa val che mi gabia volontà
De lavoro e de pan, e se' de amor...
Se indove ghe ne xe.... no i me ne dà,
Se indove che se pol... no ghe xe cuor?
Cossa val che mi gabia l'onestà
Se morir me se lassa de languor?
N. B L'autore dà ripetizione di lingue italiana e francese e di geografia.