Credeva, Amor, che avessimo fenìo

by Giorgio Baffo

3 Credeva, Amor, che avessimo fenìo Raccolta universale delle opere di Giorgio Baffo Tomo III Quel bardassa d'amor m'hà cogionà Al Tribunal d'Amor hò fatto un zorno Giorgio Baffo 1789 XVIII Poesie

Indice:Raccolta universale delle opere di Giorgio Baffo 3.djvu

Giorgio Baffo ―  Raccolta universale delle opere di Giorgio Baffo  ―  Tomo III

Credeva, Amor, che avessimo fenìo

1789

Edission original:	Giorgio Baffo, Raccolta universale delle opere di Giorgio Baffo veneto, Tomo III, Cosmopoli, 1789
Fonte:	Indice:Raccolta universale delle opere di Giorgio Baffo 3.djvu

←  Quel bardassa d'amor m'hà cogionà

Edission e fonte ▼

Al Tribunal d'Amor hò fatto un zorno  →

LAMENTO DELL'AUTOR A CUPIDO.

SONETTO

Credeva, Amor, che avessimo fenìo,
    Ti le saette, e mi de tormentar,
    Ma cosa xe st'imbrogio, poffardìo!
    4Che tornemo da capo a scomenzar.

Se penso a un tempo, e che me volta in drìo,
    No me posso pò gnanca lamentar,
    Qualche volta crudel, e qualche pìo,
    8E goder ti m'hà fatto, e spasemar;

Ma adesso, Cazzo, la và molto mal,
    Ti me fà innamorar senza speranza;
    11Me desbattizzo, e gnente no me val.

Usa, te prego, un poca de creanza,
    O troveme 'l remedio natural,
    14O no me bisegar sotto la panza.