Da rabiada

by Attilio Turco

3 Da rabiada Sonetti Veronesi Sonetti Veronesi/Parte II - Me morosa Sbrindolona Tentassione Attilio Turco 1924 XX Soneti veronese

Indice:Attilio Turco - Sonetti Veronesi.djvu

Attilio Turco ―  Sonetti Veronesi  ― Parte II - Me morosa

Da rabiada

1924

Edission original:	Attilio Turco, Sonetti Veronesi, Verona, Tipografia Operaia, 1924
Fonte:	Indice:Attilio Turco - Sonetti Veronesi.djvu

←  Sbrindolona

Edission e fonte ▼

Tentassione  →

DA RABIADA

La me morosa quando l’è rabiada,
     Guai ci ghe dise ’na parola storta!
     La pol molarte un pugno, ’na peada,
     So anca la te fa mal, no ghe ne importa.

Ma mi che la conosso e l’ò studiada,
     Come se studia ’na galina morta,
     Ve posso dir come la va tratada
     Quando che ’l muso duro la me porta;

Andarghe drio?... ma gnanca se la more;
     Dirghe parole?... gnanca se la crepa,
     Te ris-ci de ciapar 'na bruta slepa¹

Da restar incantà par do, tre ore....
     L’unica roba che bison che fassa:
     Lassarla chieta, fin... che la ghe passa!

---

Note

1. slepa ― manrovescio.