Dal Barbier
|
Edission original: |
Adolfo Gerani, Poesie veneziane, Venezia, C. Ferrari, 1903 |
|
Fonte: |
Indice:Gerani - Poesie veneziane, Venezia, Ferrari, 1903.pdf |
| ← In morte de Ricardo Selvatico | Edission e fonte ▼ | A la Musica in Piazza → |
― «In Franza i gà inventà 'na machineta
Che fà barba e cavei 'n-t'un colpo solo...»
― «La ghiliotina che te tagia el colo?»
― «No no, sul serio; el leza la Gazeta!»
«Fàme la barba, andemo zo...» ― «Ostregheta!
Gàlo premura?» ― «Gò da andar al Dolo...»
― Ah, gò capio, a trovar la moroseta...
E, sior Bepi, sior...» ― «Varda el bichignolo!
Sto rasaòr nol tagia i ravanei...»
― «A poco a poco i inventerà anca un speo
Per impirarne come tanti osei...»
― «Nane, fa pian, che ti me tagi el neo...»
― «Ghe demo 'na scurtada a sti cavei?»
― «No, no, me basta...» ― «Quà el cain, Romeo!»