Dal so Piovan xe andada un dì una Puta

by Angelo Maria Barbaro

3 Novella Angelo Maria Barbaro XVIII Poesie Indice:Raccolta di poesie in dialetto veneziano 1845.djvu Altra edizion: Dal so Piovan xe andada un dì una Puta (1817)

Angelo Maria Barbaro

Novella

XVIII secolo

Edission original:	Raccolta di poesie in dialetto veneziano d'ogni secolo nuovamente ordinata ed accresciuta, Volume unico, a cura de Bartolommeo Gamba, Venezia, G. Cecchini, 1845
Fonte:	Indice:Raccolta di poesie in dialetto veneziano 1845.djvu

Edission e fonte ▼

Altra edizion: Dal so Piovan xe andada un dì una Puta (1817)

NOVELLA.

Dal so Piovan xe andada un dì una Puta
     Vicina a farse sposa
     Aciò el ghe diga la Messa de Maria.
     El Piovan gh'à risposto: A pian, sta cosa;
     5Qua bisogna parlarme schietamente
     Come se fussi al Confessor presente,
     Se vu se' Puta
     La Madona ve agiuta,
     Ma se Puta no se'
     10Drento l'ano crepè;
     Perchè po no suceda sta Tragedia
     De la gran Madalena
     Co la Messa in ancuo se ghe remedia;
     Parlè senza raziri...
     15La Puta qua ga trato dei sospiri;
     E po l'à dito: Sior Piovan la diga...,
     La diga pur la Messa...
     La Messa ... de Maria. Oh Dio, che pena!
     Ma con un poco de la Madalena.