Dirghe cogion a un Omo vù credè
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo IV, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 4.djvu |
| ← Respondo in do parole a quei gramazzi | Edission e fonte ▼ | Un Cazzo sè chiamà! Saveu, ch'al Mondo → |
Dirghe cogion a un Omo vù credè
Farghe ingiuria, col dir, l'è un bon da gnente,
Chiamandolo un alocco francamente,
4Nò, che no l'è cussì, che no savè.
Cogion! Sta gran parola vù biasmè,
Che xe'l stampo, che fà nascer la zente!
Sentime mì, che dirò saviamente
8La virtù del cogion, e cosa l'è.
L'omo perfetto è quel, che gà i cogioni;
La barba, la Maestà, l'è venerando,
11E impronta col so far gran virtuosoni;
Ma strenzerò 'l mio dir argomentando,
Che se 'l cogion xe 'l pare di omenoni,
14Ergo, a dirghe cogion, l'è un omo grando.