Disgrazie dei maritati

by Giovanni Pozzobon

3 Disgrazie dei maritati Giovanni Pozzobon XVIII Soneti

Indice:Raccolta di poesie in dialetto veneziano 1845.djvu

Giovanni Pozzobon

Disgrazie dei maritati

XVIII secolo

Edission original:	Raccolta di poesie in dialetto veneziano d'ogni secolo nuovamente ordinata ed accresciuta, Volume unico, a cura de Bartolommeo Gamba, Venezia, G. Cecchini, 1845
Fonte:	Indice:Raccolta di poesie in dialetto veneziano 1845.djvu

Edission e fonte ▼

DISGRAZIE DEI MARITATI.

Se tuto quel che se razira in mente
     Un povero regazzo inamorà
     Sul fior de la passion fervida, ardente,
     4El sucedesse co l'è maridà;

Che val a dir (per dirla brevemente)
     Gioje, delizie, pase, fedeltà,
     Mo alora el maridarse certamente
     8La sarave una gran felicità!

Ma che? spesso intravien nel matrimonio
     Giusto de quel che no se pensa mai;
     11Disgrazie, malatie, torti, dispeti;

E alora in mezzo a tante beghe e guai,
     E la so coa metendoghe el demonio,
     14L'è un viver da sassini maledeti;
                    Onde sia benedeti,
     Chi no s'intriga, che a la fin dir sento,
     17Che la muger xe a l'omo un gran tormento.