EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
Disilusion!
1905

 Edission original:   

Gino CucchettiSpiere de Sol!, Roma, Tipografia Elzeviriana, 1905

 Fonte:

Indice:Spiere de Sol.djvu

← Prefazione Edission e fonte ▼ La Nina al pozo  →
[p. 1 modifica]
DISILUSION!
Comovente storia de un çestinà


— Tenta, tenta, per baco, fa un soneto
e mandilo al Tonin,1 ti vedarà
che sto sabo che vien sul zornaleto
4el to primo lavoro i stamparà. —

Mi lo scrivo delongo e co' rispeto
al Tonin ghe lo mando defilà;
passa i zorni... co' ansia mi l'aspeto
8sto can de Sior Tonin indormenzà!

Vien el sabo: me cazzo fra la zente,
coro, compro el zornal, verzo i foglieti,
11el gh'è... nol gh'è... volta fassada... gnente!

No ghe xe un'ostregheta, el cor me manca,
in malora el Tonin, porchi i soneti
14per lori go strassà... meza palanca!!



Note a cura de l'autor
  1. Zornal umoristico e dialetal, che se stampa a Venezia.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Disilusion!&oldid=58215"