Donne, zà l'anno santo xe visin

by Giorgio Baffo

3 Donne, zà l'anno santo xe visin Raccolta universale delle opere di Giorgio Baffo Tomo II Pian, pian, o Padre, un pò de discrezion Su, puttane, a penitenza Giorgio Baffo 1789 XVIII Poesie

Indice:Raccolta universale delle opere di Giorgio Baffo 2.djvu

Giorgio Baffo ―  Raccolta universale delle opere di Giorgio Baffo  ―  Tomo II

Donne, zà l'anno santo xe visin

1789

Edission original:	Giorgio Baffo, Raccolta universale delle opere di Giorgio Baffo veneto, Tomo II, Cosmopoli, 1789
Fonte:	Indice:Raccolta universale delle opere di Giorgio Baffo 2.djvu

←  Pian, pian, o Padre, un pò de discrezion

Edission e fonte ▼

Su, puttane, a penitenza  →

ESSENDO PROSSIMO L'ANNO SANTO.

SONETTO

Donne, zà l'anno santo xe visin,
    Serrè bottega, e fè la penitenza,
    Perchè, per Dìo, che la sarìa insolenza,
    4Se no finzessi almanco un pochettin;

Al moroso no fè più de penin,
    No ve fè più chiavar, abbiè pazienza,
    Ascoltè quei rimorsi de conscienza,
    8Che ve và pizzegando el coresin.

Se la ve tira, deve una menada,
    E soffrì tutto per l'amor dei Santi;
    11Zà no la dura troppo sta seccada;

Che se pò no podè tirar avanti,
    Feve dar, se volè 'na buzarada,
    14Ma no ve fessi mai chiavar davanti.