Donne no tarocchè, se per Città
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo IV, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 4.djvu |
| ← In fin o Frati, razze buzarone | Edission e fonte ▼ | La Mona xe bona → |
Donne no tarocchè, se per Città
I vuol, che vaga i Frati accompagnai,
E se a vintiquattr'ore i hà comandà,
4Che drento ai so conventi i sia serrai.
Fin, che se puol, in maschera i anderà
Soli anca quei, che no ghe xe più stai,
E al Ridotto, e ai Teatri i vegnirà,
8Lioghi per far del mal ben parecchiai;
E s'anca col compagno i anderà in volta,
No credè, che per questo i lassa i vizi,
11Che questa è un'opinion fallace, e stolta;
Anzi con quei bei Cazzi da Novizzi
I vegnirà a trovarve a do alla volta,
14E i farà un viazo solo, e do servizi.