El Pan

EPUB

MOBI

PDF

RTF

TXT

Qualità del testo: sto testo el xe conpleto, ma el gà ancora da vegner rileto.

Lodovico Pastò

El pan

XIX secolo

Edission original:	Lodovico Pastò, Poesie edite ed inedite de Lodovico Pastò venezian, scritte nel so natural dialetto, Venezia, Giuseppe Molinari, 1822
Fonte:	Indice:Poesie edite ed inedite de Lodovico Pastò venezian.djvu

Edission e fonte ▼

[p. 63 modifica]

EL PAN.

Volè donca saver
     Quale sia quel alimento,
     Che a l’omo in ogni età
     Xe più de giovamento?
     5L’afar xe tanto facile;
     La cossa è cussì schieta,
     Che vel diria, stè certi,
     Infina dona Beta:
     Vardè, ve servo in bota,
     10Senza, pensarghe su:
     El Pan, fradelli cari,
     El Pan xe giusto lu,
     Sentì sta sola prova:
     Andè a qualunque tola,
     15Lassè, che la sia piena
     De cibi, che consola:

[p. 64 modifica]

     Questi peraltro sempre,
     Sempre no i xe l’istessi,
     Ancuo ghè dei caponi,
     20Doman ghe xe dei pessi;
     Ma el Pan xe sempre là:
     Cossa vol dir mo questo?
     Che ’l Pan sempre ghe vol,
     Che un soprapiù xe ’l resto;
     25Ma sento che disè:
     E i vechi despossenti?
     E i poveri bambini?
     E quei che no ga denti?...
     In cossa ve perdeu?
     30Par che siè nati geri;
     Grateghelo, perdio!
     E deghelo a sculieri.