El Papa ne cogiona. Oh! che stupori
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo II, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 2.djvu |
| ← Caro Papa, no fè tanto schiamazzo | Edission e fonte ▼ | Vardo Roma coi occhj della mente → |
El Papa ne cogiona. Oh! che stupori;
L'è stà sempre un birbon, ma Dìo provede,
Zà xe morto so Mare, so Fradello,
Per Dìo Bacco, che 'l creparà anca ello;
5E pò pian pian bel bello
La so cara famegia,
Ch'adesso hà tanti onori, e tanta stima,
Deventerà baroni, come prima,
E sta razza de gobbi maledetta
10Anderà tutta in brodo de favetta.
Mi ve la digo schietta,
E da bon Venezian,
Che parla sempre con el cuor in man.
Chi avrà vita a viver vederà,
15Vederà, che xe vero quel, che digo,
Che mi son un profeta, nò un nemigo.
Sò, che l'è brutto intrigo
Parlar dei grandi, e dir quel, che xe vero,
Ch'i fazza quel, ch'i vuol, mi son sincero,
20E no ghe penso un zero;
Col Papa mi no gò gnente da far,
E zà lo mando a farse buzarar.