El Redentor moderno!
|
Edission original: |
Gino Cucchetti, Spiere de Sol!, Roma, Tipografia Elzeviriana, 1905 |
|
Fonte: |
| ← A la predica | Edission e fonte ▼ | Rispondime ti! → |
EL REDENTOR MODERNO!
Varda, Nane, che note deliziosa,
che contrasto de luçe e de colori,
varda nei oci... varda la to tosa
4che nel cuor la te leze çento amori!
Varda, mio ben, che incanto, che splendori
e che sera da basi e da morosa:
monta in barca, desmentega i dolori,
8viente a godar co' mi che son to sposa!
Senti sti canti, varda quela luna,
quel çielo imbrilantà, varda i baloni
11e quei foghi che bruza la laguna:
Zo, vien co' mi! el cuor per ti me freme
da la vogia dei basi e dei struconi:
14ti xe 'l mio amor... andemo a cena insieme!!
Redentor '99